முருங்கை இலை தெரியும். முருங்கை இலை பொடி கேள்விப்பட்டிருக்கிறீர்களா.. உடலில் பல ஆரோக்கிய குறைபாடுகள் கட்டுக்குள் வர அற்புதமாக செயல்படும் இதை எப்படி எடுப்பது என்பதை இந்த பதிவில் தெரிந்துகொள்வோம்.
உடலில் பல்வேறு நோய்களை வராமல் தடுத்திட வீட்டுக்கு ஒரு முருங்கை மரம் தேவை என்றே சொல்லலாம். முருங்கை இலை, முருங்கை காம்பு, முருங்கை பூ, முருங்கை பட்டை, முருங்கை பிசின், முருங்கை காய், முருங்கை விதை என ஒவ்வொன்றும் அற்புதமான தனித்துவமான நன்மைகளை கொண்டுள்ளது. இந்த முருங்கை இலையில் இருந்து தயாரிக்கப்படும் முருங்கை பொடியை எப்படி சாப்பிடுவது அதன் நன்மைகள் என்ன என்பதை இங்கு பார்க்கலாம்.
முருங்கை இலை பொடி
முருங்கை இலையை காம்பு நீக்கி, பூக்கள் எல்லாம் தனியாக பிரித்து இலையை நிழலில் உலர்த்தவும் அல்லது வெயில் படாமல் வெள்ளைத்துணியில் இலையை பரப்பி அதன் மேல் மற்றொரு துணியை மூடி உலரவிடவும். நன்றாக உலர்ந்ததும் மிக்ஸியில் அரைத்து அதை சலித்துகொள்ளவும். பிறகு மீண்டும் வெயில் படாமல் ஒரு நாள் உலரவைத்து கண்ணாடி பாட்டிலில் எடுத்து பதப்படுத்தி வைக்கவும். இரண்டு முதல் மூன்று மாதங்கள் வரை இதை பயன்படுத்தலாம்.
முருங்கை இலையில் இருக்கும் ஊட்டச்சத்துக்கள்
முருங்கையில் பல அத்தியாவசிய சேர்மங்கள் உள்ளன.
- வைட்டமின் ஏ
- வைட்டமின் பி1 ( தயாமின்)
- வைட்டைன் பி2 (ரைபோஃப்ளேவின்)
- வைட்டமின் பி3 (நியாசின்)
- வைட்டமின் சி (அஸ்கார்பிக் அமிலம்)
- கால்சியம்
- பொட்டாசியம்
- இரும்பு
- மெக்னீசியம்
- பாஸ்பரஸ்
- இவற்றில் கொழுப்பு இல்லை தீங்கு விளைவிக்கும் கொலஸ்ட்ரால் இல்லை.
முருங்கை இலை பொடி எப்படி எடுப்பது?
- ஒரு டம்ளர் இளஞ்சூடான வெந்நீரில் கால் அல்லது அரை டீஸ்பூன் அளவு முருங்கை இலை பொடியை கலந்து குடிக்கலாம்.
- வளரும் குழந்தைகள் எனில் அவர்களுக்கு தேனில் முருங்கை இலை பொடியை குழைத்து கொடுக்கலாம்.
- ஒரு டம்ளர் நீரை கொதிக்கவைத்து அரை டீஸ்பூன் முருங்கை இலை பொடி சேர்த்து தேநீராக்கி குடிக்கலாம். வடிகட்ட வேண்டியதில்லை. சுவைக்கு தேவையெனில் தேன் அல்லது நாட்டுச்சர்க்கரை சேர்க்கலாம்.
- தயிரில் முருங்கை இலை பொடியை சேர்த்து சாப்பிடலாம்.
- ரசம் தயாரிக்கும் போது ரசம் கொதித்து இறக்கும் நிலையில் இரண்டு டீஸ்பூன் முருங்கை இலை பொடி தூவி இறக்கலாம்.
- சூப் செய்யும் போது முருங்கை இலை பொடி சேர்க்கலாம்.
- சூடான உதிரான சாதத்தில் முருங்கை இலை பொடி, சிறிது உப்பு மற்றும் தேவைக்கு நெய் அல்லது நல்லெண்ணெய் சேர்த்து சாப்பிடலாம்.
முருங்கை இலை பொடி நன்மைகள்
- எடிமா வீக்கத்தை குறைக்கிறது
- கல்லீரல் பிரச்சனையை தடுக்கிறது
- புற்றுநோய் அபாயத்தை குறைக்கிறது
- வயிற்று கோளாறுகளுக்கு தீர்வளிக்கிறது
- பாக்டீரியல் தொற்றுக்கு சிகிச்சை அளிக்கிறது
- ருமட்டாய்டு ஆர்த்ரைட்டீஸ் அறிகுறி கட்டுப்பட உதவுகிறது
- இதய கோளாறுகள் தடுக்கிறது
- நீரிழிவுக்கு மருந்தாகிறது
- ஆஸ்துமா அறிகுறி குறைக்கிறது
- சிறுநீரக கல் அறிகுறி தடுக்கிறது
- உயர் இரத்த அழுத்தத்தை கட்டுப்படுத்துகிறது
- கண் பார்வை பிரச்சனைகளை தடுக்கிறது
- இரைப்பை புண்கள் மற்றும் இரைப்பை புற்றுநோயை உண்டு செய்யும் பாக்டீரியாக்கள் மற்றும் பூஞ்சைக்கு எதிராக இவை பயனுள்ளதாக இருக்கும்.
முருங்கை இலை பொடி தினசரி எவ்வளவு வரை எடுத்துகொள்ளலாம்?
தினசரி அளவில் நாள் ஒன்றுக்கு 70 கிராம் அளவு முருங்கை இலை பொடி அல்லது 11 டீஸ்பூன் வரை எடுத்துகொள்ளலாம். சிறு குழந்தைகளுக்கு மற்றும் வயது வாரியாக என்று கணிக்கப்படவில்லை என்பதால் குழந்தைகளுக்கு முருங்கை இலை பொடியை தனித்து கொடுக்கும் போது அளவு குறைத்து சேருங்கள். உணவாக முருங்கை இலையை கொடுக்கலாம்.
முருங்கை இலை பொடி பக்கவிளைவுகள்
தாவர அடிப்படையிலான உணவில் இருந்து அதிக அளவிலான ஃப்ளவானாய்டுகளுடன் எந்த மோசமான பக்கவிளைவுகளையும் இணைக்கவில்லை. முருங்கை இலைகள், விதைகள், பட்டை, வேர்கள், சாறு மற்றும் இதன் பூக்கள் பொதுவாக பாரம்பரிய மருத்துவத்தில் பயன்படுத்தப்படுகின்றன. ஆய்வுகள் முருங்கை பாதுகாப்பானது என்பதை காட்டுகின்றன. மனித ஆய்வுகளுடன் தீங்கு விளைவிக்கும் என்பதற்கான விளைவுகள் எதுவும் தெரிவிக்கப்படவில்லை. முருங்கை இலை பொடி பக்கவிளைவுகளை உண்டு செய்யாது ஆனால் பிற மருந்துகளுடன் தொடர்பு கொள்ளலாம் என்பதால் மருத்துவரிடம் இது குறித்து விவாதித்து எடுத்துகொள்வது பலனளிக்கும்.
