நீளமான அடர்ந்த கருகரு கூந்தலுக்கு கூந்தல் பராமரிப்பில் சற்று கவனம் செலுத்தினாலே போதும். பொடுகு, முடி உதிர்வு, நுனி முடி பிளவு, முடி வறட்சி போன்ற அனைத்துமே கூந்தல் வளர்ச்சியை பாதிக்கும் நிலையில் கூந்தல் ஆரோக்கியத்தை மேம்படுத்த ஆயுர்வேதம் சில மூலிகைகளை பரிந்துரைக்கின்றன. அப்படியான மூலிகைகள் என்னென்ன என்பதை இங்கு தெரிந்துகொள்வோம்.
பொதுவாக முடி பராமரிப்பில் செய்யும் தவறுகள் கூந்தலை சற்று அதிகமாகவே பாதிக்க செய்கின்றன. முடிக்கு ஷாம்புகள், கண்டிஷனர்கள், சீரம் என்று பயன்படுத்தும் போது அவற்றில் உள்ள இராசயனங்கள் கூந்தலை பாதித்து வளர்ச்சியை தடுக்க செய்யும். இதை எதிர்கொள்ள இயற்கையான முறையில் கூந்தலை பாதுகாப்பது அவசியம். குறிப்பாக ஆயுர்வேத மூலிகைகள் உடல் ஆரோக்கியம் போன்று சருமம் மற்றும் கூந்தல் ஆரோக்கியத்தையும் மேம்படுத்த செய்கின்றன. இவற்றை தலைமுடி ஆரோக்கியத்தின் உள் பராமரிப்பிலும். வெளிப்பராமரிப்பிலும் பயன்படுத்துவதன் மூலம் நீண்ட கருகரு கூந்தலை பெறலாம். அப்படியான மூலிகைகள் என்னென்ன என்பதை இங்கு பார்க்கலாம்.
பிரிங்கிராஜ் என்னும் கரிசலாங்கண்ணி
கரிசலாங்கண்ணி கீரை. முன்னோர்கள் காலத்தில் உணவாக பயன்படுத்தி வந்த நிலையில் ஆயுர்வேதம் இதை கூந்தல் வளர்ச்சிக்கு சிறந்த ஒன்றாக பார்க்கிறது. மூலிகைகளின் ராஜா என்றழைக்கப்படும் பிரிங்கிராஜ் முடி அமைப்பை ஊக்குவிக்கிறது. இது முடி வளர்ச்சி மேம்படுத்துகிறது. மேலும் இளநரை தடுப்பதில் சிறப்பாக செயல்படுகிறது.
எப்படி பயன்படுத்தலாம்?
பிரிங்கிராஜ் சேர்த்த ஷாம்பு கடைகளில் கிடைக்கும். அதை கூந்தலுக்கு பயன்படுத்தலாம்.
பிரிங்கிராஜ் இலை கொண்டு கூந்தல் எண்ணெய் தயாரிக்கலாம். ஹேர் மாஸ்க் ஆக பயன்படுத்தலாம்.
இதை உள்ளுக்கு எடுப்பதன் மூலம் கூந்தலுக்கு போதுமான சத்துகிடைக்கிறது.
முடி வளர்ச்சிக்கு நெல்லிக்காய் எப்படி உதவுகிறது?
வைட்டமின் சி நிறைந்த நெல்லிக்காய் எதிர்ப்பு சக்தி அளிக்க கூடியது. இது முடி வளர்ச்சிக்கு வேண்டிய சத்து. உச்சந்தலைக்கு ஊட்டமளிப்பதால் மயிர்க்கால்கள் ஆரோக்கியமானதாக இருக்கும். இளநரை வராமல் தடுக்க நெல்லிக்காயும் உதவும்.
எப்படி பயன்படுத்தலாம்?
நெல்லிக்காய் கூந்தல் எண்ணெயாக பயன்படுத்தலாம்.
நெல்லிக்காயை உள்ளுக்கு எடுப்பது கூந்தலுக்கு தனித்துவமான நன்மையை அளிக்கும்.
நெல்லிக்காய் ஹேர் மாஸ்க் ஆக பயன்படுத்தலாம்.
முடி வளர்ச்சிக்கு உதவும் முருங்கை இலை
முருங்கை முடிக்கு சரியான வலுவூட்டலை அளிக்கிறது. முடியின் மயிர்க்கால்கள் பலப்படுத்தப்படுவதால் முடி இழப்பு தடுக்கப்படுகிறது. முடி வளர்ச்சிக்கு இயற்கை கண்டிஷனராக செயல்பட்டு முடிக்கு வேண்டிய ஊட்டச்சத்தை அளிக்கும். முருங்கை உடல் ஆரோக்கியம் போன்று கூந்தல் ஆரோக்கியத்தையும் பலப்படுத்தும்.
எப்படி பயன்படுத்தலாம்?
முருங்கை இலையை எண்ணெயாக தயாரித்து பயன்படுத்தலாம்.
முருங்கை இலை ஹேர் மாஸ்க் போடலாம். முருங்கை இலை உள்ளுக்கு எடுப்பது கூந்தலுக்கு ஊட்டமளிக்க செய்யும்.
முடி வளர்ச்சிக்கு செம்பருத்தி பூ மற்றும் இலை
செம்பருத்தி பூ மற்றும் இலை என இரண்டுமே அற்புதமான முடி வளர்ச்சிக்கு உதவுகிறது. முடி மென்மையாக இருக்கவும், வறட்சியை போக்கவும் இவை செய்கிறது. வறண்ட முடியை சரி செய்கிறது. முடி அடர்த்தி அதிகரிக்க முடிக்கு நுண்ணறை அளவை அதிகரிக்கிறது. செம்பருத்தி சேர்த்த முடி தயாரிப்புகள் பலவும் கிடைக்கின்றன.
எப்படி பயன்படுத்தலாம்?
செம்பருத்தி பூ மற்றும் இலை இரண்டையும் ஹேர் மாக் போட பயன்படுத்தலாம்.
ஆயுர்வேதத்தில் செம்பருத்தி ஷாம்பு கிடைக்கும்.
செம்பருத்தி பூக்களை உலரவைத்து சிகைக்காயில் சேர்த்து பயன்படுத்தலாம்.
முடி வளர்ச்சிக்கு உதவும் வல்லாரை
வல்லாரை நினைவாற்றலை மேம்படுத்தும் அற்புதமான மூலிகை என்பதை அறிவோம். ஆனால் இது தலைமுடியை வலுவாகவும் பளபளப்பாகவும் ஈரமாகவும் வைக்கவும் செய்கிறது. கூந்தலை மென்மையாக்கி ஆரோக்கியம் கூட்டுகிறது. இது முடி வளர்ச்சிக்கு உதவுகிறது.
எப்படி பயன்படுத்தலாம்?
வல்லாரை எண்ணெயில் சேர்த்து கூந்தல் தைலமாக பயன்படுத்தலாம்.
வல்லாரை உள்ளுக்குள் எடுப்பது கூந்தல் வளர்ச்சியிலும் உதவும்.
முடி வளர்ச்சிக்கு உதவும் வேப்பிலை
கூந்தலின் நச்சை வெளியேற்றுவதில் வேப்பிலைக்கு பெரும்பங்கு உண்டு. வேப்பிலை நச்சு நீக்கும் கிருமி என்பதால் உச்சந்தலையில் உண்டாகும் தொற்று, பூஞ்சை போன்றவற்றை தடுக்க செய்கிறது. இதனால் முடி இழப்பு ஏற்படாமல் பாதுகாக்கப்படுகிறது. மேலும் முடி வளர்ச்சியை பாதிக்கும் பொடுகு, பேன் போன்றவற்றையும் வெளியேற்ற வேப்பிலை உதவுகிறது.
எப்படி பயன்படுத்தலாம்?
வேப்பிலை எண்ணெய் பொடுகு பிரச்சனைக்கு பயன்படுத்தலாம்.
வேப்பிலை ஹேர் மாஸ்க் போடும் போது கலந்து பயன்படுத்தலாம்.
பூஞ்சை தொற்றால் முடி இழப்பு ஏற்படும் போது வேப்பிலையை சிகிச்சைக்கு பயன்படுத்தினால் முடி வளர்ச்சி நன்றாக இருக்கும்.
முடி வளர்ச்சிக்கு உதவும் மருதாணி
முடிக்கு இயற்கையான கண்டிஷனராக மருதாணி உதவும் என்பது தெரியுமா. மருதாணி முடிக்கு நிறம் அளிப்பதோடு முடிக்கு நல்ல கண்டிஷனராகவும் செயல்படுகிறது. முடிக்கு ஊட்டமளித்து கூந்தலை ஈரப்பதமாக வைத்திருக்க செய்கிறது. முடியின் நிறத்தை பாதுகாப்பதோடு முடி வளர்ச்சியை ஊக்குவிக்க செய்கிறது. முடிக்கு வலுவூட்டுகிறது.
எப்படி பயன்படுத்தலாம்?
மருதாணி எண்ணெயில் கலந்து கூந்தலுக்கு பயன்படுத்தலாம்.
மருதாணி பொடியை ஹேர் மாஸ்க்கில் பயன்படுத்தலாம்.
