உடல் எடை குறைய முயற்சிக்கும் போது உணவு முறையில் கவனம் செலுத்துவதுண்டு. அப்படி உடல் எடை குறைக்கும் உணவுகளில் சமையலறையில் இருக்கும் மூலிகை பொருள்களும் அடங்கும் என்பது தெரியுமா, சில உணவுகளை தவிர்க்காமல் சேர்க்கும் போது அது எடை இழப்பில் முக்கிய பங்கு வகிக்கிறது. உங்கள் வீட்டில் இருக்கும் மூலிகைகள் மற்றும் மசாலா பொருள்கள் பசியை எதிர்த்து போராடுவதோடு உடல் கொழுப்பை எரிக்கவும் செய்கிறது. அப்படியான அற்புதமான மூலிகைகள் என்னென்ன என்பதை இங்கு பார்க்கலாம்.
மூலிகைகள் மற்றும் மசாலா பொருள்கள் உணவுகளுக்கு சுவையூட்டக்கூடியவை. பெரும்பாலும் இவை குறைந்தபட்ச அபாயத்துடன் நன்மைகளை அளிக்கிறது. குறிப்பிட்ட அளவு நாள் ஒன்றுக்கு சேர்க்கும் போது அது அதிக எடையை குறைக்க செய்கிறது. இதை தனித்து அல்லாமல் மற்ற முழு உணவுகளுடன் சேர்த்து எடுக்க வேண்டும். மூலிகைகளை துணைபொருளாக சேர்த்தால் பக்கவிளைவுகள் தடுக்க பரிந்துரைக்கப்பட்ட அளவுகள் மட்டுமே எடுக்க வேண்டும். எடை இழப்பில் கர்ப்பிணி மற்றும் தாய்ப்பாலூட்டு பெண்கள் மூலிகைகளை எடுப்பதற்கு முன்பு மருத்துவரிடம் ஆலோசிப்பது நல்லது.
எடை குறைய வெந்தயம் எப்படி உதவுகிறது?
வெந்தயம் பசியை குறைத்து உணவு உட்கொள்வதை குறைக்க செய்யும் என்று ஆய்வுகள் கண்டறிந்துள்ளன. 18 பேரை கொண்டு நடத்தபட்ட சிறு ஆய்வில் 8 கிராம் வெந்தயம் நார்ச்சத்து பசியின் உணர்வை கட்டுப்படுத்தி முழுமையான உணர்வை அளிப்பதாக சொல்லப்படுகிறது. மற்றொரு சிறிய ஆய்வில் வெந்தய விதை சாற்றை எடுத்துகொள்வது தினரி கொழுப்பு அளவில் 17% குறைந்துள்ளது. இதனால் நாளின் இறுதிவரை குறைந்த கலோரி உணவுகள் எடுத்து வருவது கண்டறியப்பட்டுள்ளது.
எடை குறைய இஞ்சி எப்படி உதவுகிறது?
இஞ்சி கைவைத்தியத்துக்கு கை கண்ட மருந்து. இது எடையை குறைக்கவும் செய்யலாம் என்கிறது ஆராய்ச்சிகள். 14 மனித ஆய்வுகளின் மதிப்பாய்வின் படி இஞ்சி உடல் எடை மற்றும் தொப்பை கொழுப்பு இரண்டையும் கணிசமாக குறைப்பதாக காட்டுகிறது. 27 மனிதர்கள். விலங்குகள் மற்றும் சோதனைக்குழாய் அளவில் இது கொழுப்பு உறிஞ்சுதல் மற்றும் பசியின்மை குறைக்கிறது. மேலும் வளர்சிதை மற்றும் கொழுப்பை எரிப்பதன் மூலம் உடல் எடை குறைக்க முடிவு செய்துள்ளது.
எடை குறைய மஞ்சள் எப்படி உதவுகிறது?
மஞ்சள் சக்திவாய்ந்த மருத்துவ குணங்களை கொண்டுள்ள மசாலா. இதில் உள்ள குர்குமின் சக்திவாய்ந்த ஒன்றாக கருதப்படுகிறது. இது உடல் எட இழப்பு முதல் வீக்கம் வரை அனைத்திலும் எப்படி செயல்படுகிறது என்பதை ஆய்வு செய்யப்பட்டுள்ளது
44 எடை கொண்டவர்களிடம் மேற்கொண்ட ஆய்வில் ஒரு மாதம் தினமும் இரண்டு முறை குர்குமின் எடுத்துகொள்வது கொழுப்பு இழப்பை அதிகரிப்பதாக தொப்பை குறைப்பை 5% வரை அதிகரிப்பதாக சொல்லப்படுகிறது. இந்த மஞ்சளில் வழக்கமான டோஸில் இருக்கும் அளவை விட செறிவூட்டப்பட்ட குர்குமின் அளவு பயன்படுத்தப்பட்டது குறிப்பிடத்தக்கது.
எடை குறைய இலவங்கப்பட்டை எப்படி உதவுகிறது?
இலவங்கப்பட்டை ஆக்ஸிஜனேற்றம் கொண்டவை. சில ஆய்வுகள் இலவங்கப்பட்டை எடை இழப்பை அதிகரிக்கும் என்று கண்டறிந்துள்ளன. இது பசியை குறைக்கவும் உதவும். இலவங்கப்பட்டையில் இருக்கும் ஒரு சேர்மமானது இன்சுலின் விளைவுகளை பிரதிபலிக்கும் என்கிறது ஆய்வுகள். உணவின் கார்போஹைட்ரேட்டுகளின் முறிவை மெதுவாக்க இதில் இருக்கும் செரிமான நொதிகளின் அளவு குறைக்கலாம். இதனால் பசி குறைக்கும் மற்றும் எடை இழப்பு ஏற்படும். இலவங்கப்பட்டை நேரடியாக எடை இழப்பு செயல்படும் விதம் குறித்து ஆய்வு செய்ய கூடுதல் ஆராய்ச்சி தேவை.
எடை குறைய சீரகம் எப்படி உதவுகிறது?
சீரகம் தனித்துவமான சுவையை கொண்டது. இது எடை இழப்பு மேம்படுத்துவதோடு கொழுப்பு எரிப்பதை மேம்படுத்துகிறது. சிறிய ஆய்வு ஒன்றில் ஒரு கப் தயிர் உடன் சீரகம் 3 கிராம் சேர்த்து இரண்டு முறை எடுக்கும் போது உடல் எடை மற்றும் உடல் கொழுப்பை குறைப்பதாக கண்டறியப்பட்டது. மற்றொரு ஆய்வில் 8 வாரம் நாள் ஒன்றுக்கு மூன்று முறை சீரகம் சப்ளிமெண்ட் எடுத்துகொண்டவர்கள் மற்றவர்களை விட 2.2 பவுண்டுகள் எடை அதிகம் இழந்திருப்பது குறிப்பிடத்தக்கது.
எடை குறைய ஏலக்காய் எப்படி உதவுகிறது?
ஏலக்காய் அதிக கொழுப்பு அதிக கார்ப் உணவில் எலிகளின் தொப்பை கொழுப்பு குறைக்க உதவியது கண்டறியப்பட்டது. இதுகுறித்த விலங்கு ஆய்வில் கருப்பு ஏலக்காய் அதிக கொழுப்புள்ள உணவில் உள்ள எலிகளின் தொப்பை மற்றும் உடல் கொழுப்பு இரண்டையும் குறைக்க செய்தது கண்டறியப்பட்டது. ஆனால் இந்த ஏலக்காய் எடை இழப்பு என்பது குறித்த ஆராய்ச்சி விலங்கு ஆய்வுகளுக்கு மட்டுமே என்பதால் மனிதர்களில் இவை எப்படி செயல்படுகிறது என்பது குறித்து ஆய்வு தேவை.
எடை குறைய மிளகு எப்படி உதவுகிறது?
கருப்பு மிளகு பைபரின் என்னும் கலவை கொண்டுள்ளது. இதன் கடுமையான சுவை எடை குறைக்கும் விளைவுகளை அளிக்கிறது. உணவு உட்கொள்வதில் எந்த மாற்றம் இல்லை என்றாலும் அதிக கொழுப்புள்ள உணவில் எலிகளின் உடல் எடை குறைய பைபரின் சேர்ப்பது உதவுவதாக ஆய்வு கண்டறிந்துள்ளது. மேலும் சோதனை குழாய் ஆய்வில் பைபரின் திறம்பட கொழுப்பு செல் உருவாவதை தடுக்க செய்கிறது. எனினும் இது விலங்குகளில் மட்டுமே என்பது குறிப்பிடத்தக்கது.
