மூட்டுவலி, மூட்டு வீக்கம், ருமட்டாய்டு குறைக்கும் மஞ்சள், இஞ்சி, லாவெண்டர் எண்ணெய், எப்படி பயன்படுத்துவது..?

முடக்கு வாதம் வந்தால் முழங்கால்கள் மற்றும் பிற மூட்டுகளில் வலி மற்றும் வீக்கத்தை உண்டு செய்யும். இந்த வலியை குறைக்கும் அத்தியாவசிய எண்ணெய்கள் என்ன என்பதை பார்க்கலாம்.

முடக்கு வாதத்துக்கு மாற்று சிகிச்சை என்று எசன்ஷியல் எண்ணெயை குறிப்பிட முடியாது ஆனால் அதன் அறிகுறிகளை நிர்வகிக்க இவை உதவும். ருமட்டாய்டு வலிக்கு உதவும் அத்தியாவசிய எண்ணெய்கள் என்னென்ன, இது குறித்து ஆராய்ச்சி சொல்வது என்ன எப்படி பயன்படுத்த வேண்டும் என்பதை இப்போது தெரிந்துகொள்வோம்.

​அத்தியாவசிய எண்ணெய்கள் என்றால் என்ன?​

அத்தியாவசிய எண்ணெய்கள் என்பது தாவரங்களிலிருந்து வரும் அதிக செறிவூட்டப்பட்ட திரவங்கள். இது தாவரத்தின் வாசனையின் சாரத்தை அளிக்கும். இது தாவரத்தின் பூக்கள், இலைகள், வேர்கள் அல்லது பட்டைகளிலிருந்து எண்ணெயை பிரித்தெடுக்க அழுத்தம் அல்லது நீராவியை பயன்படுத்துகின்றனர்.

முடக்குவாதத்துக்கு அத்தியாவசிய எண்ணெய்களின் விளைவுகள் குறித்து பெரிய ஆய்வுகள் உள்ளன. எனினும் பெரும்பாலான வல்லுநர்கள் அத்தியாவசிய எண்ணெய்களை ருமட்டாய்டுக்கு பாதுகாப்பானது என்று கருதுகின்றனர்.

​முடக்குவாதத்துக்கு இஞ்சி எண்ணெய்​

இஞ்சி செடியில் இருக்கும் சேர்மங்கள் அழற்சி எதிர்ப்பு விளைவுகளால் நாள்பட்ட வீக்கத்தை குறைப்பதில் நன்மை அளிக்க கூடியவை. இவற்றில் ருமட்டாய்டு அறிகுறிகளை எளிதாக்கும் கலவைகள் இருக்கலாம். 2016 ஆம் ஆண்டு ருமட்டாய்டு பாதிப்பு கொண்ட எலி மாதிரிகளில் இஞ்சி அத்தியாவசிய எண்ணெயின் அழற்சி எதிர்ப்பு விளைவுகள் குறித்து ஆய்வு ஒன்று மேற்கொள்ளப்பட்டது. இஞ்சி எண்ணெயை ஊசியாக பெற்ற எலிகள் நாள்பட்ட மூட்டு அழற்சியின் விளைவை குறைத்தது. எனினும் இது குறித்து மனிதர்களிடம் ஆராய்ச்சி நடைபெறவில்லை என்பது குறிப்பிடத்தக்கது.

எப்படி பயன்படுத்துவது

இஞ்சி அத்தியாவசிய எண்ணெய் என்பதால் பாதுகாப்பான அளவு கெரியர் எண்ணெயில் கரைத்து மூட்டுகளில் தடவலாம்.

​முடக்குவாதத்துக்கு மஞ்சள் எண்ணெய்​

2010 ஆம் ஆண்டின் நம்பகமான மூலத்திலிருந்து பழைய ஆய்வில், மஞ்சள் அத்தியாவசிய எண்ணெய் எலிகளில் மூட்டு வீக்கத்தை குறைப்பதாக கண்டறியப்பட்டது. மனிதர்கள் இதை பயன்படுத்தும் போது என்ன மாதிரியான பாதிப்புகள் கண்டறியப்படுகிறது என்பதற்கான ஆய்வுகள் நடந்துவருகிறது. 2016 ஆம் ஆண்டில் மதிப்பாய்வு அறிக்கையின் படி மஞ்சள் சாறு கீல்வாதத்தின் அறிகுறிகளை குறைப்பதாக தோன்றுகிறது. எனினும் இதை ஆதரிக்க ஆராய்ச்சி தேவை.

​முடக்குவாதத்துக்கு லாவெண்டர் எண்ணெய்​

லாவெண்ட்ர் அத்தியாவசிய எண்ணெயில் அழற்சி எதிர்ப்பு பண்புகள் கொண்டவை. வலி நிவாரணியாகவும் செயல்படக்கூடியவை. 2016 ஆம் ஆண்டு ஆய்வு ஒன்றின்படி முழங்காலின் ருமட்டாய்டு நிலையில் அரோமாதெரபி மசாஜ் விளைவுகளை ஆய்வு செய்தது. இதில் அத்தியாவசிய எண்ணெய் 100 மில்லி தேங்காய் எண்ணெயில் 3:3:2:2 என்னும் விகிதத்தில் லாவெண்டர், ஜூனிபர், ylang-ylang ரோஸ்மேரி அத்தியாவசிய எண்ணெய்களை இணைத்த நிலையில் 6 வாரங்களில் வாரம் ஒரு முறை 30 நிமிடங்கள் மசாஜ் செய்தனர். எந்த தலையீடும் பெறாத கட்டுப்பாட்டு குழுவுடன் ஒப்பிடும் போது அரோமோதெரபி மசாஜ் குழுவில் வலி மற்றும் சோர்வு கணிசமாக குறைந்துள்ளன.

அரோமோதெரபி மசாஜ் ருமட்டாய்டு உள்ளவர்களுக்கு வலி மற்றும் சோர்வை நிர்வகிக்க உதவும் என்று சொல்லப்பட்டது எனினும் இதன் பயன் குறித்து இன்னும் தெளிவாக இல்லை.

​முடக்குவாதத்துக்கு யூகலிப்டஸ்​

யூகலிப்டஸ் வீக்கம் மற்றும் வலியை குறைக்க உதவும் பல கலவைகள் கொண்டுள்ளன. 2013 ஆம் ஆண்டு ஆய்வு ஒன்றில் முழங்கால் மாற்று அறுவை சிகிச்சைக்கு உட்பட்டவர்களில் அதன் விளைவுகள் குறித்து ஆய்வு நடந்தது. தொடர்ந்து 3 நாட்களுக்கு 30 நிமிடங்கள் இடைவெளியில் யூகலிப்டஸ் எண்ணெய் பயன்படுத்திய பங்கேற்பாளர்கள் பாதாம் எண்ணெய் கட்டுப்பாட்டை கொண்டிருப்பவர்களுடன் ஒப்பிடும் போது வலி மற்றும் குறைந்த இரத்த அழுத்த அளவீடு கொண்டிருப்பதாக தெரிவித்தனர்.

எப்படி பயன்படுத்துவது

யூகலிப்டஸ் இலையிலிருந்து பெறப்படும் திரவத்தை சில துளிகள் நீர் சேர்த்து நீராவி பிடிக்கலாம். வலி இருக்கும் இடங்களில் தடவி கொள்ளலாம்.

முடக்கு வாதத்துக்கு ஃபிரங்கின்சென்ஸ் எண்ணெய்

ஃபிரங்கின்சென்ஸ் எண்ணெய் என்பது போஸ்வெல்லியா இனத்தை சார்ந்த மரங்களிலிருந்து உலர்ந்த சாறு. இது தூபம் போட பயன்படுத்தப்பட்டாலும் இதன் ஆன் டி செப்டிக் மீளுருவாக்கம் மற்றும் அழற்சி எதிர்ப்பு பண்புகள் கொண்டவை. 2010 ஆம் ஆண்டு நடத்தப்பட்ட ஆய்வு ஒன்று கீல்வாத அழற்சி அறிகுறிகளை குறைக்க செய்வதாக இந்த தூப அல்லது சாம்பிரானியை உறுதிப்படுத்தியது.

எப்படி பயன்படுத்துவது

முடக்கு வாதத்துக்கு சிகிச்சைய்ளிக்க நீர்த்த தூப எண்ணெயை வலியில் மேற்பூச்சாக பயன்படுத்தலாம்.

​முடக்கு வாதத்துக்கு ஆரஞ்சு எண்ணெய்​

ஆரஞ்சு பழம் ஆண்டிசெப்டிக், அழற்சி எதிர்ப்பு மற்றும் மன அழுத்த எதிர்ப்பு பண்புகளுடன் கூடிய சக்திவாய்ந்த அத்தியாவசிய எண்ணெயை அளிக்கிறது. 2017 ஆம் ஆண்டின் ஆய்வு ஒன்று எலும்பு முறிவுகளால் வலி உள்ள நோயாளிகளுக்கு ஆரஞ்சு அத்தியாவசிய எண்ணெய் நறுமண சிகிச்சையின் விளைவை மதிப்பீடு செய்தது. ஆரஞ்சு எண்ணெய் உள்ளிழுத்தவர்கள் பங்கேற்காதவர்களை காட்டிலும் வலியை கணிசமாக குறைத்திருந்தனர்.

எப்படி பயன்படுத்துவது

கீல்வாத வலியை குறைக்க ஆரஞ்சு எண்ணெயை தோலில் தடவி மசாஜ் செய்யலாம். குளியலில் நீர்த்த ஆரஞ்சு எண்ணெய் சேர்க்கலாம். மேலும் உடல் வலியை குறைக்க சிட்ரஸ் எண்ணெயை மேற்பூச்சாக பயன்படுத்தலாம். ஆனால் இதை பயன்படுத்தும் போது நேரடியாக சூரிய ஒளியில் நிற்க கூடாது.

​முடக்கு வாதத்துக்கு அத்தியாவசிய எண்ணெய் பயன்படுத்தும் போது கவனத்தில் கொள்ள வேண்டியவை​

அத்தியாவசிய எண்ணெய்கள் செறிவூட்டப்பட்டவை.
நீர்த்த அத்தியாவசிய எண்ணெய்களை நேரடியாக தோலில் தடவுவது கூடாது. இது தோல் எரிச்சல் போன்ற பாதகமான விளைவுகளை ஏற்படுத்தும். எரிச்சலை தவிர்க்க இந்த எண்ணெயை கெரியர் எண்ணெயுடன் கலந்து பயன்படுத்த வேண்டும்.

• ஆலிவ் எண்ணெய்,
• ஜோஜாபா எண்ணெய்
• திராட்சை விதை எண்ணெய்
• பாதாம் எண்ணெய்
• ஆர்கன் எண்ணெய்
• ப்ரிம்ரோஸ் எண்ணெய்
• தேங்காய் எண்ணெய் போன்றவற்றுடன் கலந்து பயன்படுத்தலாம். முன்னதாக அத்தியாவசிய எண்ணெய் கலவை முயற்சிக்கும் போது பேட் பரிசோதனை செய்து கொள்வது நல்லது.